Юныя экскурсаводы Свіслаччыны
Падведзены вынікі раённага этапу рэспубліканскага конкурсу юных экскурсаводаў музеяў устаноў адукацыі
Дадзенае мерапрыемства праходзіла ў рамках рэспубліканскай акцыі "Я гэты край Радзімаю заву" і было накіравана на развіццё экскурсійнага напрамку выхаваўчай работы ва ўстановах адукацыі, а таксама вызначэння лепшых экскурсаводаў сярод навучэнскай моладзі Свіслаччыны. Удезельнікам неабходна было прадставіць раённаму журы тэкставы варыянт, а таксама відэафрагмент праведзенай экскурсіі.
Па выніках адбору і прагляду прадстаўленых матэрыялаў у намінацыі "Музейная мазаіка" першае месца заваявалі Іскрык Глеб і Баранцэвіч Усевалад, навучэнцы Корнадзьскага дзіцячага сада - базавай школы (кіраўнік - Вольга Аляксандраўна Лысевіч). На другой прыступцы апынуліся навучэнкі Дварчанскага дзіцячага сада - базавай школы Шышко Елізавета і Герман Вераніка (кіраўнік - Святлана Мікалаеўна Маер), а таксама навучэнка Поразаўскай сярэдняй школы Глякоўская Мілана (кіраўнік - Таццяна Аляксандраўна Кухарчык). Замкнулі прызавую тройку прадстаўніцы другой гарадской школы Багалейша Арына і Барэль Дзіяна (кіраўнік - Аляксандр Валер'евіч Пясецкі).
Пераможцы і прызёры ўнагароджаны дыпломамі Свіслацкага раённага цэнтра турызму і краязнаўства. ВІНШУЕМ!!!
