Экспанат для музея: вынікі
Падведзены вынікі раённага этапу рэспубліканскага конкурсу "Экспанат для музея"
Дадзенае мерапрыемства праводзіцца з мэтай фарміравання ў навучэнцаў патрыятычных каштоўнасных арыенціраў праз далучэнне да пошукава-даследчай краязнаўчай дзейнасці. Прыняць удзел у ім маглі асобныя навучэнцы, калектывы навучэнцаў устаноў агульнай сярэдняй адукацыі, дадатковай адукацыі дзяцей і моладзі ў дзвюх узроставых катэгорыях: да 14 гадоў (уключна), ад 15 гадоў і болей.
На конкурс удзельнікі прадстаўлялі адзін музейны прадмет, знойдзены за апошнія тры гады навучэнцамі ўстановы адукацыі падчас экспедыцый, экскурсій, паходаў, вандровак, якія праводзіліся як з мэтай выяўлення і збору прадметаў музейнага значэння, так і з культурна-адукацыйнай, асветніцкай ці іншай мэтай і папоўнілі музеі (экспазіцыі музеяў) устаноў адукацыі.
Музейны прадмет павінен мець культурную, гістарычную, навуковую і (або) мастацкую вартасць, у тым ліку можа несці ў сабе малавядомыя (забытыя) гістарычныяці культурныя факты сваёй мясцовасці ў розных праявах матэрыяльнай гісторыіі культуры малой радзімы. Музейныя знаходкі павінны быць звязаны з гісторыяй, культурай, прыродай, эканомікай малой радзімы, дапаўняць (раскрываць) змест экспазіцыі музея ўстановы адукацыі.
Па выніках конкурсу ў намінацыі "Сведкі часу" (узроставая катэгорыя да 14 гадоў) перамаглі Паліна Барчэшэн і Вераніка Герман, навучэнкі Дварчанскага дзіцячага сада - базавай школы (кіраўнік - Святлана Маер, настаўнік гісторыі, кіраўнік школьнага музея). У намінацыі "Таямніцы ў рэчах" той жа ўзротсавай катэгорыі пераможцай стала Кацярына Сауціна, навучэнка Корнадзьскага дзіцячага сада - базавай школы (кіраўнік - Вольга Лысевіч, дырэктар установы адукацыі). Пераможцы раённага этапу ўзнагароджаны дыпломамі Свіслацкага раённага цэнта турызму і краязнаўства, а вынікі іх даследаванняў адпраўлены для ўдзелу ў абласным этапе.
ВІНШУЕМ!!!
