Новости проекта
Подписывайтесь на нас ВКонтакте!
Голосование
Дорогой друг! Чем бы ты хотел(а) заняться в шестой школьный день?
Всего 2 человека
Голосование
Уважаемые родители, чем бы вы хотели, чтобы Ваш ребёнок занимался в шестой день недели?
Всего 5 человек
Голосование
Соблюдаете ли Вы ПДД?
Всего 18 человек
Голосование
Нравится ли Вам наш сайт?
Всего 44 человека

ПАЛАЖЭННЕ аб правядзенні мерапрыемстваў рэспубліканскай акцыі навучэнскай моладзі «Жыву ў Беларусі і тым ганаруся»

Дата: 28 апреля 2016 в 16:45

 

ПАЛАЖЭННЕ
аб правядзенні мерапрыемстваў
рэспубліканскай акцыі навучэнскай
моладзі «Жыву ў Беларусі і тым ганаруся»

1. Агульныя палажэнні

1.1. Арганізатарамі правядзення конкурсаўАкцыі з’яўляюцца:

- дзяржаўная ўстанова адукацыі “Свіслацкі раённы цэнтр турызму і краязнаўства” – дыстанцыйная краязнаўчая алімпіяда; краязнаўчы праект «Мая Беларусь» (конкурс творчых работ «Мой род, мая сям'я»);

- дзяржаўная ўстанова адукацыі “Цэнтр творчасці дзяцей і моладзі г.Свіслачы”–конкурс «Юны натураліст»;

- дзяржаўная ўстанова адукацыі “Цэнтр творчасці дзяцей і моладзі г.Свіслачы”– конкурс творчых работ «Чыстыя сэрцы роднай зямлі», конкурс творчых работ «Радзімы спадчына – мой гонар»;

- дзяржаўная ўстанова адукацыі “Свіслацкі раённы цэнтр турызму і краязнаўства”– конкурс фотаздымкаў «Краіна мая дарагая».

1.2. Удзельнікі конкурсаў – асобныя навучэнцы, калектывы навучэнцаў устаноў адукацыі, творчыя сямейныя калектывы (у 2-х узроставых катэгорыях: да 14 гадоў і пасля 14 гадоў).

2. Тэрміны правядзення конкурсаў

2.1.   Конкурсы праводзяцца з сакавіка па снежань 2016 года ў тры этапы з вызначэннем пераможцаў і прызёраў:

         першы этап (адборачны) – ва ўстановах адукацыі;

другі этап (адборачны) – раённы (у аддзелах адукацыі, спорту і турызму райвыканкамаў);

трэці этап (адборачны) – абласны.

2.2.   Раённыя саветы па правядзенні Акцыі вызначаюць тэрміны правядзення адборачных этапаў конкурсаў.

3. Умовы правядзення конкурсаў Акцыі

3.1    Пры падрыхтоўцы да ўдзелу ў конкурсах могуць выкарыстоўвацца творчыя і даследчыя матэрыялы, якія былі напрацаваны ўдзельнікамі конкурсаў за перыяд Акцыі (2006-2015 гг.).

3.2. Раённая і абласная дыстанцыйная краязнаўчая алімпіяда (далей – алімпіяда) праводзіцца з сакавіка па 3 мая 2016 года ў два туры – раённыі абласны (адборачны). Раённыя арганізацыйныя саветы па правядзенні Акцыі вызначаюць тэрміны правядзення і арганізоўваюць алімпіядныя туры на веданне гісторыка-культурнай і прыроднай спадчыны адпаведна раённаму ўзроўню.

3.2.1.Алімпіяда праводзіцца з мэтай пашырэння і паглыблення ведаў навучэнцаў у галіне краязнаўства.

Асноўнымі задачамі алімпіяды з’яўляюцца:

далучэнне моладзі да вывучэння гісторыі, культуры і прыроды малой радзімы, рэгіёна, Беларусі;

развіццё ў юных краязнаўцаў даследчых, аналітычных навыкаў, інтэлектуальных здольнасцей;

павышэнне ў навучэнцаў цікавасці да пазнання свайго краю.

3.2.2. У алімпіядзе ўдзельнічаюць навучэнцы 7-10 класаў.

3.2.3Пераможцы раённых тураў (2 вучні ад раёна) прымаюць удзел у абласным туры алімпіяды, які адбудзецца 3 мая 2016 года з 11.00 да 12.15 гадзін.

3.2.4.Праграма падрыхтоўкі навучэнцаў да абласнога і рэспубліканскага тураў алімпіяды размешчана на галоўнай старонцы сайта rctkum.by.

Інструкцыя па выкананні тэставых заданняў абласнога тура будзе размешчана з 20 па 26 красавіка 2016 года на галоўнай старонцы сайтаcentrtur.grodno.by.

Пытанні абласнога і рэспубліканскага тураў алімпіяды будуць прадстаўлены на беларускай мове. Выкананне заданняў праводзіцца індывідуальна, работа кожнага ўдзельніка алімпіяды правяраецца аўтаматызаванай тэставай праграмай.

Абласны і рэспубліканскі туры алімпіяды праводзяцца ў дыстанцыйным рэжыме на бясплатнай аснове.

3.2.5. Заяўкі на ўдзел у абласным туры алімпіяды дасылаюцца арганізацыйнымі саветамі па правядзенні рэспубліканскай Акцыі да 22 красавіка 2016 года на e-mail: ggoctikum@mail.ru.

3.2.6. Па выніках алімпіяды (будуць размешчаны на сайце centrtur.grodno.by. да 16 мая 2016 года) вызначаюцца пераможцы, прызёры, складаецца рэйтынг удзельнікаў абласнога тура алімпіяды.

 

Заключны рэспубліканскі тур алімпіяды праводзіцца 23 мая 2016 года з 12.00 да 13.15 гадзін.

Інструкцыя па выкананні тэставых заданняў рэспубліканскага тура будзе размешчана з 16 па 23 мая 2016 года на галоўнай старонцы сайта rctkum.by і даступна для свабоднага пампавання ў фармаце doc.

Тэлефон для даведак: 35138, 33891.

3.3. Раённы і абласны краязнаўчы праект «Мая Беларусь» разлічаны на 2016 – 2018 гг. Праект прадугледжвае правядзенне конкурсаў па вывучэнні гісторыі сваёй сям'і, малой Радзімы і Беларусі. У 2016 годзе праводзіцца раённы і абласны конкурс даследчых работ«Мой род, мая сям'я».

3.3.1. Абласны конкурс даследчых работ «Мой род, мая сям'я» (далей – конкурс)праводзіцца з 25 сакавіка па 15 лістапада 2016 года.

Раённы конкурс даследчых работ «Мой род, мая сям'я» (далей – конкурс) праводзіцца з 25 сакавіка па 15 кастрычніка 2016 года.

3.3.2. Конкурс праводзіцца ў мэтах фарміравання светапогляду і духоўных каштоўнасцей асобы праз даследаванне свайго радаводу, матэрыяльнай і духоўнай спадчыны продкаў, выхавання патрыятызму праз непарыўную сувязь гісторыі сям'і з гісторыяй свайго народу.

Асноўнымі задачамі конкурсу з’яўляюцца:

далучэнне моладзі да пошукава-даследчай дзейнасці, накіраванай на даследаванне ўласных радаводаў;

адраджэнне і перайманне сямейных традыцый і абрадаў;

умацаванне сямейных сувязяў;

прывіццё даследчых навыкаў, пашырэнне і паглыбленне інтэлектуальных і пазнавальных магчымасцяў навучэнцаў;

стымуляванне матывацыі навучэнцаў да актыўнага ўключэння ў пазнавальную творчую дзейнасць.

3.3.3. Удзельнікамі конкурсу з’яўляюцца асобныя навучэнцы ўстаноў адукацыі (сямейныя калектывы).

3.3.4. На конкурс прадстаўляюцца:

уласны радавод (генеалагічнае дрэва, табліца), дзе з максімальнай паўнатой фіксуюцца ўсе сваякі (імя і прозвішча, гады жыцця, месца нараджэння, ступень роднасці (маці, бацька, сястра і далей), як мінімум да чацвёртага калена (да прадзедаў);

генеалагічнае дасье на кожнага прадстаўніка роду, куды ўваходзіць яго біяграфія, выпіскі з пісьмовых крыніц, тэксты ўспамінаў, фатаздымкі, дакументы і г.д;

матэрыял па гісторыі сям'і, роду, дзе ў храналагічнай паслядоўнасці прадстаўлена апісанне жыццядзейнасці сваякоў, а таксама важных для сям'і падзей;

матэрыял, дзе прадстаўляеца апісанне сямейных традыцый і абрадаў, паданняў і легенд, захаваных сямейных рэліквій;

матэрыял па правядзенні антрапанімічных даследаванняў сям'і, роду (паходжанне імёнаў, прозвішчаў);

карт-схема з адлюстраваннем геаграфіі рассялення прадстаўнікоў роду.

3.3.5. Конкурсныя работы павінны абавязкова мець тытульную старонку з пазначэннем поўнай назвы ўстановы адукацыі (без скарачэнняў), назвы конкурсу і тэмы працы, інфармацыі аб аўтары работы (прозвішча, імя, імя па бацьку, клас/аб’яднанне па інтарэсах/група навучання) і аб кіраўніку/кіраўніках (прозвішча, імя, імя па бацьку, пасада), а таксама нумары кантактных тэлефонаў.

3.3.6. Асноўныя крытэрыі ацэнкі конкурсных работ:

адпаведнасць умовам конкурсу;

змястоўнасць, інфармацыйная напоўненасць;

улік сямейных і рэгіянальных асаблівасцей;

творчасць, мастацкая прываблівасць, арыгінальнасць падачы матэрыялу.

3.3.7. Конкурсныя матэрыялы дасылаюцца на раённы этап да 1 кастрычніка 2016 года ў Свіслацкі раённы цэнтр турызму і краязнаўства. На папярэднім туры рэспубліканскага этапу конкурсу праводзіцца прагляд конкурснага матэрыялу, а на выніковым – творчае прадстаўленне навучэнцамі сваіх конкурсных работ.

3.4. Раённы і абласны конкурс «Юны натуралiст»

3.4.1. Раённы і абласны этап рэспубліканскага конкурса «Юны натуралiст» (далей – конкурс) праводзіцца з сакавіка па кастрычнік 2016 года.

3.4.2. Асноўнымi мэтамii задачамi конкурсу з’яўляюцца:

папулярызацыя дзейнасці аб’яднанняў па інтарэсах эколага-біялагічнага накірунку, дэманстрацыя дасягненняў юных эколагаў і біёлагаў праз стварэнне праектаў, малюнкаў эколага-біялагічнага накірунку;

выхаванне патрыятызму і пачуцця любові да Радзімы праз прывіццё павагі да прыроды роднага краю;

развіццё творчых здольнасцей навучэнцаў сродкамі праектнай і мастацкай дзейнасці;

выяўленне і заахвочванне таленавітых дзяцей і падлеткаў, прадастаўленне дадатковых магчымасцей для іх самарэалізацыі;

стварэнне спрыяльнага асяроддзя для раскрыцця магчымасцей творчага патэнцыялу і фармiравання мастацкага густу асобы.

3.4.3.Удзельнікамі конкурсу з’яўляюцца асобныя навучэнцы і

творчыя калектывы навучэнцаў ўстаноў агульнай сярэдняй адукацыі, аб’яднанняў па iнтарэсах устаноў дадатковай адукацыі дзяцей і моладзі ў 2-х узроставых катэгорыях: 8 – 11 гадоў і 12 – 16 гадоў.

3.4.5. Конкурс праводзіцца па наступных намінацыях: «Расліна змары», «Сэрца Зямлі маёй», «Цікавае побач».

Намінацыя «Расліна з мары» (калектыўная, праводзіцца ва ўзроставай катэгорыі навучэнцаў 12 – 16 гадоў) прадугледжвае стварэнне навукова-даследчага праекту па вырошчванні травяністай (гародніннай ці кветкавай) расліны, якая штучна створана рукамі юных даследчыкаў метадам прышчэпкі і валодае асаблівасцямі папярэдніх форм. Пажадана дэманстрацыя членам журы вырашчанай расліны.

У справаздачы па навукова-даследчаму праекту павінны быць: тытульны ліст, дзе без скарачэнняў указваюцца кіраўнік і ўдзельнікі праекта; тэма і мэта выканання праекта; пералік і апісанне выкарыстаных культур з указаннем сартоў; дата і месца правядзення праекта; ўмовы і методыка выканання работы, каляндарны план і дзённік вядзення работ; феналагічныя і іншыя назіранні, ўлікі за ростам і развіццём раслін усіх паўторнасцей; вынікі з апісаннем чаканых і атрыманых новых выяўленых карысных якасцей раслін; высновы; рэкамендацыі па ўкараненні вынікаў праекта; заключэнне кіраўніка праекта; рэцэнзія вучонага, спецыяліста сельскай гаспадаркі.

Абавязковым для выканання з’яўляецца пакрокавае апісанне выкананай працы, якое падцверджана фотаздымкамі, дзе бачны дзеянні юных даследчыкаў. Да справаздачы прыкладаецца прэзентацыя праекта.

У намінацыі «Сэрца Зямлі маей» (індывідуальная, праводзіцца ў 2-х узроставых катэгорыях: 8 – 11 гадоў і 12 – 16 гадоў) прадстаўляюцца індывідуальныя творчыя работы – малюнкі, якія адлюстроўваюць вобразы роднай прыроды, яе непаўторныя асаблівасці.

Работы павінны быць прадстаўлены ў фармаце 42х60 см (А3) у любой выяўленчай тэхніцы, без паспарту, у драўлянай рамцы светлага колеру. На адваротным баку кожнай работы ўказваюцца: назва работы; прозвішча, імя, імя па бацьку аўтара (цалкам, без скарачэнняў); узрост аўтара; назва ўстановы адукацыі з указаннем адраса, раёна, вобласці, нумара кантактнага тэлефона (цалкам).

Работы, якія не адпавядаюць указаным патрабаванням, у конкурсе не ўдзельнічаюць.

Асноўнымі крытэрыямі ацэнкі работ з’яўляюцца:

арыгінальнасць сюжэта;

мастацкае адлюстраванне і раскрыццё тэмы;

тэхнічная якасць.

Адным аўтарам прадстаўляецца не больш за дзве работы. Работы неабходна дасылаць у цвёрдай упакоўцы. За пашкоджанне работ пры перасылцы арганізатары адказнасці не нясуць.

Работы, якія паступілі на конкурс, могуць публікавацца ў сродках масавай інфармацыі з указаннем іх аўтарства. Дасланыя работы аўтарам не вяртаюцца.

Намінацыя «Цікавае побач» (калектыўная, праводзіцца ва ўзроставай катэгорыі навучэнцаў 12 – 16 гадоў)прадугледжвае мультымедыйную прэзентацыю экалагічнай сцежкі, якая распрацавана, створана і выкарыстоўваецца ва ўстановах адукацыі для экалагічнага выхавання дзяцей і моладзі.

У прэзентацыі павінны быць адлюстраваны: задачы, якія вырашаюцца; мэтавая аудыторыя, на якую разлічана сцежка; у якой форме выкарыстоўваецца экалагічная сцежка; скіраванасць форм работы на пазнанне навакольнага асяроддзя; інфармацыйная насычанасць сцежкі.

Мультымедыйныя прэзентацыі – гэта від прэзентацый, у якіх ўжываецца анімацыя, графіка, тэкст, інтэрактыўныя элементы, гук, відэа. Прэзентацыі могуць быць выкананы ў фармаце Power Point , PDF, або Flash. Колькасць слайдаў павінна не перавышаць 30 адзінак.

На першым кадры павінна быць агульная інфармацыя: назва намінацыі; назва конкурснай работы; прозвішча, імя, імя па бацьку аўтараў (цалкам, без скарачэнняў); узрост аўтараў; назва ўстановы адукацыі (згодна са статутам установы адукацыі, без скарачэнняў); паштовы адрас установы адукацыі з назвай раёна, вобласці; нумар кантактнага тэлефона (цалкам). На апошнім кадры неабходна ўказаць выкарыстаныя інфармацыйныя рэсурсы; калі ў конкурснай працы прысутнічае музычнае суправаджэнне, неабходна ўказаць назву музычнага твора і аўтара і г.д.

Конкурсныя работы дасылаюцца на электронным носьбіце.

Асноўнымі крытэрыямі ацэнкі прэзентацыі з’яўляюцца:

дакладнасць, сцісласць, выразнасць і лаканічнасць прадстаўленнай інфармацыі;

інавацыйныя падыходы да вывучэння прыродных аб’ектаў, у тым ліку практыканакіраванасць;

прэзентацыя павінна насіць рэкламны характар і адлюстроўваць рэгіянальныя асаблівасці і/або этнаграфічную адметнасць мясцовасці.

3.4.6. Конкурсныя матэрыялы дасылаюцца на раённы этап конкурсу да 1 верасня 2016 года ў Цэнтр творчасці дзяцей і моладзі г.Свіслачы.

3.4.7. Пераможцы раённага этапа конкурсу узнагароджваюцца дыпломамі Цэнтра творчасці дзяцей і моладзі г.Свіслачы.

3.4.8. Работы - пераможцы абласнога этапа конкурсу аўтарам не вяртаюцца, дасылаюцца на рэспубліканскі этап конкурсу.

3.5.Рэспубліканскі конкурс творчых работ «Чыстыя сэрцы роднай зямлі» (далей – конкурс) праводзіцца з сакавіка па верасень 2016 года.

3.5.1. Асноўнымі задачамі конкурсу з’яўляюцца:

фарміраванне ў навучэнскай моладзі грамадзянска-патрыятычных пачуццяў, выхаванне духоўна і эстэтычна развітай асобы праз далучэнне падлеткаў да канкрэтных спраў, накіраваных на захаванне і павелічэнне багаццяў і чысціні роднай зямлі, павышэнне культурнага ўзроўню моладзі;

далучэнне навучэнцаў да стваральнай дзейнасці на карысць краіне, выхаванне адказнасці за свае ўчынкі;

выяўленне і заахвочванне лепшых юных журналістаў – актыўных удзельнікаў конкурсу.

3.5.2. Удзельнікамі конкурсу з’яўляюцца асобныя навучэнцы ўстаноў адукацыі ва ўзроставай катэгорыі 12 – 16 гадоў.

3.5.3. На конкурс прадстаўляюцца індывідуальныя творчыя работы інфармацыйна-публіцыстычных жанраў, дзе распавядаецца пра канкрэтныя справы падлеткаў, накіраваныя на добраўпарадкаванне і захаванне гісторыка-культурных і прыродных аб’ектаў сваёй мясцовасці, павышэнне культурнага ўзроўню асобнага навучэнца і грамадства ўвогуле, нацыянальнай самасвядомасці юных грамадзян сваёй краіны; апісваюцца акцыі і праекты, якія адлюстроўваюць памкненні моладзі ўпрыгожыць навакольны свет, унесці свой уклад у дабрабыт краіны; распавядаюць пра добрыя ўчынкі падлеткаў, якія па-гаспадарскі ставяцца да навакольнага асяроддзя (падтрымліваюць чысціню ў пад’ездзе дома, на пляцоўцы для гульняў, у двары, за ваколіцай вёскі, у месцах масавага адпачынку, па берагах рэк і азёр, на лясной палянцы).

3.5.4. Конкурсныя работы (тэкст – да 3 000 знакаў (паўтары старонкі фармата А 4), пажадана з фотадакументальным суправаджэннем) прадстаўляюцца ў электронным выглядзе, маюць тытульную старонку
(з пазначэннем вобласці, раёна/горада, установы адукацыі, назвы працы), інфармацыю пра аўтара работы (прозвішча, імя, імя па бацьку, клас/група) і пра кіраўніка (прозвішча, імя, імя па бацьку, пасада), а таксама нумары кантактных тэлефонаў.

3.5.5. Конкурс праводзіцца ў адзін этап (рэспубліканскі) у два туры: папярэдні і выніковы. На папярэднім – рэдакцыя разглядае дасланыя матэрыялы для вызначэння іх годнасці да публікацыі. Лепшыя творчыя работы друкуюцца (пры неабходнасці – у рэдагаваным выглядзе) на старонках газеты, сайце выдання (www.pvz.by) і выстаўляюцца на абмеркаванне чытачоў. Іх аўтары становяцца фіналістамі конкурсу і адзначаюцца спецыяльнымі дыпломамі (граматамі) газеты «Пераходны ўзрост». Па выніках абмеркавання чытачоў вызначаецца ўладальнік спецыяльнай узнагароды рэдакцыі газеты «Пераходны ўзрост». Інфармацыя пра фіналістаў размяшчаецца на «старонцы славы» газеты «Пераходны ўзрост» (на сайце выдання).

На выніковым – рэспубліканскае журы, разгледзеўшы работы фіналістаў, вызначае пераможцаў і прызёраў.

3.5.6. Конкурсныя матэрыялы дасылаюцца на рэспубліканскі этап конкурсу да 12 верасня 2016 года па адрасе: 220013, г. Мінск, вул. Б. Хмяльніцкага, 10а.

Тэлефон/факс: 8 (017) 287 19 59,e-mail: p_vozrast@tut.by.

Інфармацію аб удзеле ў конкурсе неабходна даслаць у УА “ГДАПТДМ”, аддзел дзіцячых  арганізацый, e-mail: odo316@tut.by да 15 верасня 2016г.

3.6. Раённы і абласны конкурс творчых работ «Радзімы спадчына – мой гонар» .

3.6.1. Асноўнымі задачамі конкурсу з’яўляюцца:

- фарміраванне ў навучэнскай моладзі грамадзянска-патрыятычных пачуццяў і адказнасці за захаванне гісторыка-культурнай спадчыны роднага краю;

- фарміраванне гістарычнай свядомасці і высокай культуры навучэнцаў;

-развіццё творчага патэнцыялу дзяцей і моладзі, далучэннне  іх да пошукавай дзейнасці, накіраванай на даследаванне культурных традыцый роднага краю, жыццёвага і творчага шляху вядомых людзей малой радзімы;

-папулярызацыя імёнаў славутых землякоў сродкамі даследчай   і мастацкай дзейнасці;

-садзейнічаннезберажэнню культурнай спадчыны і народных традыцый.

3.6.2. Удзельнікамі конкурсу з’яўляюцца асобныя навучэнцы, калектывы навучэнцаў устаноў адукацыі.

3.6.3. Конкурс праводзіцца з сакавіка па снежань 2016 года ў тры этапы:

І этап – рэгіянальны – сакавік - жнівень 2016г. Конкурсныя матэрыялы, у тым ліку на электронным носьбіце, дасылаюцца да 1 верасня 2016г. у Цэнтр творчасці дзяцей і моладзі г.Свіслачы.

3.6.4. Конкурс праводзіцца па наступных намінацыях: «Скарбніца традыцый маіх дзядоў» (калектыўная) і «Жывая крыніца талентаў роднага краю» (індывідуальная).

У намінацыі «Скарбніца традыцый маіх дзядоў» прадстаўляюцца даследчыя матэрыялы аб традыцыях і абрадах беларускай культуры роднага краю аўтара, у якія ўваходзяць:

звесткі аб малой радзіме, гістарычных і культурных асаблівасцях краю;

матэрыялы аб народных традыцыях і звычаях роднага краю:

вусная народная творчасць (казкі, фальклорная проза, быліны, легенды і г.д.);

выканальніцкае мастацтва (песеннае, танцавальнае, музычна-інструментальнае, тэатральнае мастацтва);

святочна-абрадавая культура (святы, абрады, рытуалы, культы);

тэхніка і тэхналогія вырабу (рамествы, музычныя інструменты, народны касцюм, традыцыйная кухня);

выпіскі з пісьмовых крыніц, тэксты ўспамінаў, фотаздымкі;

прапановы аўтара работы па выкарыстанні звестак, атрыманых у ходзе даследавання, з мэтай фарміравання нацыянальнай самасвядомасці і адраджэння духоўнай культуры.

У намінацыі «Жывая крыніца талентаў роднага краю» прадстаўляюцца:

відэаматэрыял (інтэрв’ю, відэасюжэт) аб дзейнасці земляка – сучаснага дзеяча беларускай культуры;

тэкставая анатацыя, якая змяшчае кароткія звесткі аб аўтары работы і славутым земляку.

Пры падрыхтоўцы відэаматэрыялу аўтар выступае ў ролі рэжысёра, аператара, сцэнарыста або карэспандэнта.

3.6.5. Патрабаванні да відэаматэрыялу: працягласць – да 5 хвілін, тэхнічныя параметры: формат – avi, mpg, або wmv.

 Конкурсныя работы павінны мець тытульныя старонкі на дзвюх мовах (рускай і беларускай) з пазначэннем вобласці, раёна/горада, установы адукацыі, назвы работы; інфармацыяй аб аўтары работы (прозвішча, імя, імя па бацьку, клас/ аб’яднанне па інтарэсах) і аб кіраўніку/кіраўніках (прозвішча, імя, імя па бацьку, пасада), а таксама нумары кантактных тэлефонаў.

3.6.6. Пераможцы абластнога этапу рэспубліканскага конкурсу творчых работ«Радзімы спадчына – мой гонар » узнагароджваюцца граматамі і дыпломамі УА “Гродзенскі дзяржаўны абласны Палац творчасці дзяцей і моладзі”.

Работы пераможцаў і прызёраў конкурсу не вяртаюцца.

3.7. Раённы і абласны конкурс фотаздымкаў «Краіна мая дарагая».

3.7.1. Раённы і абласны конкурс фотаздымкаў «Краіна мая дарагая» (далей – конкурс фотаздымкаў) праводзіцца з сакавіка па верасень 2016 года.

3.7.2. Мэтай правядзення конкурсу фотаздымкаў з’яўляецца грамадзянскае і патрыятычнае выхаванне дзяцей і моладзі праз іх актыўнае ўключэнне ва ўсебаковае вывучэнне гісторыі, культуры і прыроды роднага краю.

Асноўныя задачы конкурсу фотаздымкаў:

фарміраванне ў маладога пакалення адказнасці за захаванне гісторыка-культурнай і прыроднай спадчыны края;

прыцягненне моладзі да адукацыйнай, культурнай і грамадзянскай дзейнасці, да вывучэння гісторыі, культуры, прыроды населенага пункта, рэгіёна, краіны, пашырэнне і паглыбленне іх інтэлектуальных і пазнавальных магчымасцей;

выхаванне патрыятызму, любові да роднага края сродкамі фотамастацтва;

эстэтычнае выхаванне і фармiраванне мастацкага густу;

выяўленне і заахвочванне таленавітых дзяцей і падлеткаў, прадстаўленне дадатковых магчымасцей для іх самарэалізацыі;

папулярызацыя фотамастацтва сярод дзяцей і моладзі.

3.7.3. Удзел у конкурсе фотаздымкаў могуць прымаць усе жадаючыя праз удзел у конкурсах, якія праводзяцца ўстановамі адукацыі, ці накіраваўшы свае работы ў адпаведнасці з дадзенымі ўмовамі непасрэдна арганізатару.

3.7.4. Конкурс праводзіцца па наступных намінацыях:

«Беларусь сінявокая» (пейзаж – сельскі і гарадскі, рэкі і азёры);

«Дзівоснае побач» (раслінны і жывёльны свет Беларусі);

«Беларусь у фармаце 3D» (стэрэафотаздымкі па наступных тэматыках: сельскі і гарадскі пейзаж, жывёлы Беларусі, помнікі гісторыі
і культуры Беларусі);

«Навуковае фота» (фотаздымкі, зробленыя ў працэсе навуковых даследванняў).

Фотаздымкі павінны быць зроблены на тэрыторыі Беларусі.

У кожнай намінацыі работы будуць разглядацца ў трох узроставых катэгорыях:

з 6 да 11 гадоўуключна;

з 12 да 15 гадоў уключна;

з 16 да 31 года ўключна.

3.7.5. Патрабаванні да афармлення фотаработ.

Фотаработы павінны быць прадстаўлены ў каляровым ці чорна-белым варыянце на фотапаперы фармату ад 20 да 30 см па доўгаму боку (без паспарту). Дадаткова прадстаўляецца электронны варыянт фотаработ у фармаце JPЕG не меньш чым 2000 пікселяў па леваму краю. Работы, якія не адпавядаюць дадзеным патрабаванням, да конкурсу фотаздымкаў не дапускаюцца.

На зваротным баку кожнай фатаграфіі павінны быць наступныя дадзеныя: назва работы; прозвішча, імя, імя па бацьку аўтара (цалкам), узрост, назва ўстановы з указаннем раёна, вобласці, адраса і нумара тэлефона.

Работы неабходна дасылаць у цвёрдай упакоўцы. За пашкоджанне здымкаў пры перасылцы арганізатары адказнасці не нясуць.

3.7.6. Асноўнымі крытэрыямі ацэнкі фотаработ з’яўляюцца:

арыгінальнасць сюжэту;

мастацкае адлюстраванне і раскрыццё тэмы пры дапамозе фатаграфіі;

тэхнічная якасць фотаздымка.

3.7.7. Колькасць работ, якія прадстаўляюцца на конкурс фотаздымкаў адным аўтарам – да шасці. У выпадку, калі будуць адабраны некалькі фатаграфій аднаго аўтара, узнагароджваецца толькі адна работа, якая атрымала найвышэйшую адзнаку.

Работы, якія паступілі на конкурс фотаздымкаў, могуць друкавацца ў сродках масавай інфармацыі з указаннем іх аўтарства. Дасланыя на конкурс фотаздымкаў работы аўтарам не вяртаюцца.

3.7.8. Работы на конкурс фотаздымкаў накіроўваюцца да 10 кастрычніка 2016 года ў Свіслацкі раённы цэнтр турызму і краязнаўства.

4. Падвядзенне вынікаў і ўзнагароджванне пераможцаў.

4.1. Для падвядзення вынікаў конкурсу на кожным этапе рэгіянальнымі і рэспубліканскім саветамі па правядзенні Акцыі ствараецца журы, якое ўзначальвае старшыня. Журы вызначае пераможцаў і прызёраў, а таксама вырашае пытанні іх заахвочвання.

4.2. Выніковы тур рэспубліканскага этапу конкурсаў Акцыі, канчатковае падвядзенне вынікаў і ўзнагароджванне пераможцаў конкурсаў адбудзецца на выніковым зборы актыву Акцыі.

4.3. Пераможцы і прызёры раённага этапу конкурсаў Акцыі ўзнагароджваюцца дыпломамі I, II, III ступені.

 

 

 

Комментарии:
Оставлять комментарии могут только авторизованные посетители.